Pompeo Calvia
Li Candaleri

Li candaleri farani in piazza,
cun li vetti di rasu trimulendi;
fattu fattu li borri cu la mazza
e lu sindaggu in mezzu saluddendi.

Tutti saludda senza distinzioni,
finza li bandareddi di lu vinu.
Arruglia lu tamburu di cuntinu
e lu piffaru sona li canzoni.

Lu piffaru chi poni l’alligria
e accumpagna li setti candaleri
finza a la gianna di Santa Maria.

Inchiddà ni l’istrazzani li vetti
e zi l’entrani in gesgia più lizzeri
in mezzu a li vaggiani e a li cuglietti.




(tratto da: Pompeo Calvia, Sassari Mannu. Poesie, Sassari, Tipogr. Ubaldo Satta, 1922, p. 18)


< indietro