Pompeo Calvia
Lu Paràiu

Fora innant’a lu balconi
v’è una manta di bruccaddu
verdi a coda di paoni
e un cuscinu ricamaddu.

Ruglia ruglia lu tamburu
quasi all’oru di la gianna
e lu piffaru di canna
sona in bocca a Cicciu Muru.

Chi canzoni e chi alligria
vi so sott’a la bandera!
Pari giunta primabera.

Pari chi la merudia
ti ni sceddia da manzanu
carignendiddi a pianu




(tratto da: Pompeo Calvia, Sassari Mannu, cit., p. 108).


< indietro